جہانگیر ترین کو چیئرمین زرعی ٹاسک فورس کے عہدے سے ہٹا دیا گیا

اے آر وائی نیوز کی رپورٹ کے مطابق آٹا چینی بحرن کے ذمہ داران کے خلاف ایکشن لیے جانے کے بعد جہانگیر ترین کو چیئرمین زرعی ٹاسک فورس کے عہدے سے ہٹا دیا گیا ہے۔

ذرائع کا کہنا ہے کہ تحقیقات کے نتائج سامنے آنے کے بعد مزید کارروائی کی جائے گی۔

تحریک انصاف کے رہنما شہباز گل نے کہا کہ جہانگیر ترین کو سیمی فارمل زرعی ٹاسک فورس سے علیحدہ کیا گیا ہے، رپورٹ کی بنیاد پر وزیراعظم نے جو مناسب سمجھا ایکشن لیا ہے۔

دوسری جانب جہانگیر ترین نے تحقیقاتی رپورٹ کو سیاسی اور ذات پر حملہ قرار دے دیا، ان کا کہنا ہے کہ رپورٹ کے پیچھے وزیراعظم کے پرنسپل سیکریٹری اعظم خان ہیں، مجھے ٹارگٹ بنانے کے لیے نامکمل رپورٹ جاری کی گئی۔

انہوں نے کہا کہ لاک ڈاؤن کے دوران گھروں سے ملازمین کو تحقیقات کے لیے بلایا گیا، اعظم خان وزیراعظم کے گرد حصار بنا کر مرضی کے فیصلے کررہے ہیں، کمیشن نے ذمہ دار ٹھہرایا تو چیلنج کریں گے۔

ایف آئی اے نے مختلف شوگر ملز پر چھاپے مار کر ریکارڈ قبضے میں لے لیا، ذرائع ایف آئی اے کا کہنا ہے کہ متعدد شوگر ملز کے ریکارڈ فرانزک کے لیے بھجوا دئیے گئے ہیں۔

ذرائع کا کہنا ہے کہ چینی، گندم اسٹاک کے حوالے سے ریکارڈ فرانزک کے لیے بھجوایا گیا ہے

آٹا چینی بحران کے معاملے پر ایف آئی اے نے جہانگیر ترین کے چیف فنانشل آفیسر سے بھی تحقیقات کی ہے،ایف آئی اے اہلکار 20 مارچ سے جہانگیر ترین کے دفاتر میں موجود ہیں۔

2 ہفتے میں ٹیسٹ کی استعداد 5 ہزار سے زائد ہوجائے گی: وزیر اعلیٰ پنجاب

تفصیلات کے مطابق وزیر اعلیٰ پنجاب عثمان بزدار نے سینٹرل پی سی آر لیب کا دورہ کیا، لیب میں کرونا وائرس ٹیسٹ کے لیے بی ایس ایل لیول تھری پر کرونا ٹیسٹ کیے جاتے ہیں۔

وزیر اعلیٰ نے پرسنل پروٹیکشن ایکوپمنٹ پہن کر لیب کا دورہ کیا اور کرونا ٹیسٹ کے مختلف مراحل کا مشاہدہ کیا۔ انہوں نے لیب میں کام کرنے والے عملے سے طریقہ کار بھی دریافت کیا۔

عثمان بزدار نے سیکریٹری سیکنڈری ہیلتھ کیئر اور لیب اسٹاف کی خدمات کو سراہا۔

اس موقع پر ان کا کہنا تھا کہ بی ایس ایل لیول تھری لیب کا قیام خوش آئند ہے، 62 کروڑ روپے ہیلتھ ڈیپارٹمنٹ کو دے دیے ہیں۔ چینی ڈاکٹرز کے ساتھ ہماری ملاقات ہوئی، ان کے تجربے سے استفادہ کیا۔

وزیر اعلیٰ نے کہا کہ چینی ڈاکٹرز نے پنجاب حکومت کے اقدامات کو سراہا ہے، چینی ڈاکٹرز کا بھی یہی مؤقف ہے کہ سماجی رابطوں سے اجتناب کیا جائے۔ چینی ڈاکٹرز نے ہماری رہنمائی کی یقین دہانی کروائی ہے۔

انہوں نے کہا کہ پنجاب میں مختلف علاقوں میں فیلڈ اسپتال بھی آج سے فعال ہوجائیں گے، آئندہ 2 ہفتے میں ٹیسٹ کی استعداد 5 ہزار سے زائد ہوجائے گی۔ پیکج کے تحت 25 لاکھ خاندانوں کو فی کس 4 ہزار روپے دیے جائیں گے۔

وزیر اعلیٰ کا کہنا تھا کہ صوبے میں کسی اسکول کو ٹیچرز یا اسٹاف کو نکالنے کی اجازت نہیں ہوگی۔

Apna Media Dil News پاکستان کا اہم ترین شہر زلزلے سے لرز اٹھا

سوات اور گردو نواح میں زلزلے کے جھٹکے محسوس کیے گئے ہیں جس کے باعث لوگوں میں خوف و ہراس پھیل گیا۔

سوات اور گردو نواح میں زلزلے کے جھٹکے آنے کے باعث لوگ خوف کے مارے گھروں سے کلمہ طیبہ کا ورد کرتے ہوئے باہر نکل آئے۔ زلزلہ پیما مرکز کا کہنا ہے کہ ریکٹر سکیل پر زلزلے کی شدت 4 اعشاریہ 4 ریکارڈ کی گئی ہے جبکہ اس کی گہرائی 110 کلومیٹر تھی۔ زلزلے کا مرکز پاک افغان سرحدی علاقہ تھا۔

Apna Media Dil News حیدر علی کی عمدہ بیٹنگ، شاندار اعزاز اپنے نام کر لیا

پاکستان سپر لیگ (پی ایس ایل) فرنچائز پشاور زلمی کے نوجوان کھلاڑی حیدر علی ٹورنامنٹ کی تاریخ میں نصف سنچری کرنے والے کم عمر ترین کھلاڑی بن گئے ہیں

تفصیلات کے مطابق پی ایس ایل کے 24 ویں میچ میں آج لاہور قلندرز اور پشاور زلمی کی ٹیمیں مدمقابل ہیں جس دوران حیدر علی نے انتہائی عمدہ بلے بازی کرتے ہوئے نصف سنچری مکمل کی اور اس طرح وہ ٹورنامنٹ کی تاریخ میں نصف سنچری بنانے والے کم عمر ترین کھلاڑی بھی بن گئے ہیں۔

حیدر علی نے لاہور قلندرز کیخلاف عمدہ بیٹنگ کرتے ہوئے صرف 19 سال اور 160 دن کی عمر میں یہ اعزاز اپنے نام کیا جبکہ دوسری جانب شعیب ملک نے ان کا ساتھ دیتے ہوئے اپنی نصف سنچری بھی مکمل کی۔

Apna Media Dil News ے بی رحم کرو‘ دپیکا پڈکون نے ایسا فحش فوٹو شوٹ کرالیا کہ شوہر رنویر سنگھ نے بھی ہاتھ جوڑ لیے

بالی ووڈ اداکارہ دپیکا پڈکون کی جانب سے ایک غیر ملکی میگزین کیلئے انتہائی بولڈ فوٹو شوٹ کروایا گیا ہے جس پر ان کے شوہر رنویر سنگھ نے بھی ہاتھ جوڑ لیے ہیں

دپیکا پڈکون نے فرانسیسی فیشن میگزین ایلے کیلئے تازہ فوٹو شوٹ کرایا ہے جس میں انہوں نے انتہائی بولڈ پوز دیے ہیں۔ ان کے اس فوٹو شوٹ کو جہاں ان کے مداحوں کی جانب سے سراہا جارہا ہے وہیں انہیں اس کی وجہ سے تنقید کا بھی سامنا ہے۔

دپیکا پڈکون نے اپنے فوٹو شوٹ کی تصاویر انسٹاگرام پر شیئر کیں تو تبصروں کا طوفان امڈ آیا ، ان میں سب سے پہلا تبصرہ ان کے شوہر اداکار رنویر سنگھ کی جانب سے کیا گیا تھا۔ رنویر سنگھ نے اپنی بیوی دپیکا پڈکون کی تصویر پر تبصرہ کرتے ہوئے کہا ’بے بی رحم کرو یار ۔‘ رنویر سنگھ نے اپنے کمنٹ کے ساتھ ہاتھ جوڑنے یا معافی کی ایموجی بھی پوسٹ کی

Apna Media Dil News شہباز تتلہ کیس ، ایس ایس پی مفخر عدیل اس وقت کہاں ہیں اور کس حال میں ہیں

آخر تحقیقاتی اداروں کو شہباز تتلہ کیس میں بڑی کامیابی مل گئی ہے کیونکہ ایس ایس پی مفخر نے سیکیورٹی اداروں کو گرفتار پیش کر دی ہے ۔

میڈیا میں چلنے والی رپورٹس میں دعویٰ کیا جارہاہے کہ شہباز تتلہ کیس میں بڑی پیشرفت ہوئی ہے ، ایس ایس پی مفخر عدیل نے اہم سیاسی شخصیت کی ضمانت پر گرفتاری دے دی ہے تاہم انہوں نے گرفتاری پنجاب سے باہردوسرے صوبے میں دی ہے ۔ذرائع کا کہناہے کہ ایس ایس پی مفخر کو گلگت بلتستان سے حراست میں لیا گیاہے تاہم انہیں آئندہ چوبیس گھنٹوں کے اندر لاہور لائے جانے کا امکان ہے ۔یہاں یہ امر بھی قابل ذکر ہے کہ شہباز تتلہ کے اغواءکا مقدمہ سات فروری کو نصیرآباد تھانے لاہور میں درج کیا گیاتھا ۔

Apna Media Dil News امریکی صدر کے کرونا وائرس کے ٹیسٹ ہوئے یا نہیں

امریکی صدر ڈونلڈ ٹرمپ سے کرونا وائرس سے مبینہ متاثرہ رکن کانگریس سے ملاقات اور امریکی صدر کے کرونا وائرس کے ٹیسٹ ہونے سے متعلق چلنے والی خبروں پرامریکی صدارتی محل وائٹ ہاوس کا باضابطہ ردعمل سامنے آگیا۔

امریکی نشریاتی ادارے سی این این کے مطابق وائٹ ہاوس کا کہنا ہے کہ ’صدر ڈونلڈ ٹرمپ کے کروناوائرس سے متعلق کوئی ٹیسٹ نہیں ہوئے ہیں۔وائٹ ہاوس کے مطابق قرنطینہ میں موجود امریکی اراکین کانگریس سے قریبی ملاقاتوں کے باوجود امریکی صدر ٹرمپ کے ٹیسٹ نہیں کئے گئے ہیں۔وائٹ ہاوس پریس سیکرٹری اسٹیفن گریشم کے مطابق صدر کسی ایسے شخص سے نہیں ملے جس میں کووڈ 19وائرس کی موجودگی کی تصدیق ہوئی ہو۔ نہ ہی صدر میں کوئی ایسی علامت پائی جاتی ہے جس کی وجہ سے ٹیسٹ کرنے کی کوئی ضرورت پیش آتی۔امریکی صدر ہشاش بشاش ہیں اور ان کے ذاتی معالج ان کی نگرانی جاری رکھے ہوئے ہیں۔انہوں نے کہا حالیہ ہدایات کے مطابق طبی ماہرین ٹیسٹ کا فیصلہ اس صورت میں کریں گے جب کسی میں اس مرض کی علامات پائی جائیں گی ۔

قبل ازیں امریکی نائب صدر مائیک پنس نے ایک سوال کے جواب میں کہا تھا کہ وہ نہیں جانتے کہ امریکی صدر ڈونلڈ ٹرمپ کے ٹیسٹ ہوئے ہیں یا نہیں۔ انہوں نے کہا تھا کہ وہ اس سوال کو وائٹ ہاوس تک پہنچادیں گے اور امید ہے اس پر فوری جواب بھی آجائے گا۔مائیک پنس سے سوال کے وقت امریکی صدر ڈونلڈ ٹرمپ بھی وہاں موجود تھے ،صحافیوں نے ان سے بھی یہی سوال کیاتاہم امریکی صدر بغیر کوئی جواب دیئے وہاں سے چلے گئے۔

یاد رہے کہ امریکی وائٹ ہاوس کے نامز دچیف آف سٹاف میڈووز ، جارجیا سے رکن کانگریس ڈوگ کولنز اور فلوریڈا سے منتخب رکن میٹ گائٹز کرونا وائرس کے شبے میں قرنطینہ میں چلے گئے ہیں،کہا جارہا ہے کہ جمعہ کو جب امریکی صدر وبائی امراض کے کنٹرول کے ادارے کے دورے پر گئے تو وہاں ڈوگ کولنز نے ان سے مصافحہ کیاتھا۔ اس مصافحے کے بعد بین الاقوامی میڈیا میں مختلف قیاس آرائیاں کی گئی تھیں۔