Apna Media Dil News اس معمولی سی بیماری سے امریکہ میں 70 ہزار لوگ مرجاتے ہیں

امریکی صدر ڈونلڈ ٹرمپ کا کہنا ہے کہ امریکہ میں فلو کی وجہ سے سالانہ 70 ہزار تک اموات ہوجاتی ہیں لیکن اس طرح کاروبار مندا نہیں ہوتا جیسا اب ہورہا ہے، اس بارے میں ہمیں سوچنا ہوگا۔

صدر ٹرمپ نے سٹاک مارکیٹ میں شدید مندی کے بعد ایک ٹویٹ میں کہا کہ اس وقت بہت زیادہ جھوٹی خبریں گردش کر رہی ہیں۔

انہوں نے ایک اور ٹویٹ میں کہا کہ سعودی عرب اور روس تیل کی قیمت اور سپلائی پر بحث میں مصروف ہیں اور بہت زیادہ جھوٹی خبریں بھی سامنے آرہی ہیں جس کی وجہ سے مارکیٹ ڈراپ ہوئی ہے۔

صدر ٹرمپ کا کہنا تھا کہ گزشتہ برس عام فلو کی وجہ سے 37 ہزار امریکی شہریوں کی اموات واقع ہوئیں، فلو کی وجہ سے اوسطاً سالانہ 27 سے 70 ہزار اموات ہوتی ہیں لیکن پھر بھی کوئی چیز شٹ ڈاﺅن نہیں کی جاتی، زندگی اور معیشت چلتی رہتی ہے۔ اس وقت امریکہ میں کرونا وائرس کے 546 مصدقہ کیسز ہیں جبکہ 22 افراد کی ہلاکت ہوئی ہے لیکن مارکیٹ کا کیا حال ہوا ہے اس بارے میں ہمیں سوچنا ہوگا۔

خیال رہے کہ پیر کے روز ٹریڈنگ شروع ہوتے ہی امریکی سٹاک مارکیٹ پہلے 5 منٹ میں ہی 7 فیصد ڈاﺅن آگئی تھی جس کی وجہ سے ٹریڈنگ 15 منٹ تک رکی رہی، بعد ازاں ٹریڈنگ دوبارہ شروع ہوئی تو مارکیٹ نے تھوڑا سا ریکور کیا تاہم یہ اب بھی 6 فیصد ڈاﺅن ہے۔